El mga oficiales del 101st Infantry Brigade (101Bde) y del 503rd Combat Engineer Battalion (503CEB) ya man hunta para fortalece el esfuerzos colaborativo na proyectos de infrastractura y iniciativas vital na mantencion de paz y seguridad na Basilan.
El hunta ya socede cuando ya visita si Tiniente Coronel Myrvin Gargar, el comandante del 503CEB, del Domingo na Campo Luis Biel, II, Barangay Tabiawan, ciudad de Isabela, el capital del Basilan.
Asegun con el 101Bde del Miercoles, con Gargar ya recivi si Coronel Frederick Sales, el diputado comandante del 101Bde, durante su visitada na Campo Biel donde locao el quartel del brigada.
Si Gargar ya comparti ideas valuables si quemodo promove mas desarollo y estabilidad na provincia insular.
Si Gargar ya servi na Basilan del año 2008 como el comandante de un compania del 55th Engineer Brigade and Joint Engineer Task Force.
Como parte del su visitada, si Gargar ya inspecciona con mga proyectos que ta implementa dentro na Campo Biel para asegura cay todo alineado con el mision de mantenimiento con el Basilan como un pacifico y segurao lugar. (B. Garcia)