Dies miembros del Bangsamoro Islamic Freedom Fighters (BIFF) el ya rendi con mga tropas del Joint Task Force (JTF)-Central na provincia de Maguindanao del Sur, asegun con el militar del Lunes.
Asegun con el 4th Civil Relations Group (4CRG), el rendida del dies miembros del BIFF ya facilita el 33rd Infantry Battalion (33IB) del Viernes na quartel del battalion na Barangay Zapalan, Radjah Buayan, Maguindanao del Sur.
Asegun con el 4CRG, nueve de rendidores amo mga siguidores del BIFF–Karialan Faction y el uno miembro del BIFF-Bungos Faction.
El 4CRG ya habla, con el mga rendidores ya presenta con Brigadier General Oriel Pangcog, el comandante del 601st Infantry Brigade na un ceremonia na quartel del 33IB.
Presente durante el actividad el Alcalde Akmad Ampatuan del Shariff Aguak, Vice Alcalde Marop Ampatuan del Shariff Aguak, y representantes del Ministry of Social Service and Development-Bangsamoro Autonomous Region in Muslim Mindanao y Agila-Haven.
El mga rendidores BIFF ya entrega ocho armas de fuego de alta calibre, asegun con el 4CRG. (B. Garcia)Â