Maga autoridad ya aresta dies personas y confisca siete milyones de pesos valor de smuggled producto de petrolyo na provincia de Tawi-Tawi.
Asegun con Coronel Richard Verceles, el operations chief del Area Police Command aki na Weste Mindanao, con el producto de petrolyo ya confisca del Sabado tarde serca na municipio del Tandubas, Tawi-Tawi.
Asegun con Verceles ta man patrulya el maga personajes del Police Maritime Group cuando ya columbra sila con un lancha nombrao como el ML Shaira na mar del municipio de Tandubas.
Durante el inspeccion, maga pulis ya mira cay tiene dies hente ariba el lancha que ta transporta quinientos noventa barril de producto de petrolyo con el valor de site milyones de pesos sin el propio documento.
Asegun con Verceles con el dies hente muntao na lancha ya conose como el maga siguentes: Kashmeer Abao, cuarenta’y uno años el edad, el maestro patron del lancha; Sajid Hassan, sincuenta’y uno años, el dueño del lancha; Jimmy Pulahan, cuarenta’y ocho años, el makinista del lancha; Hadji Caesar Utuali, sesenta’s sinco; Hadji Manuel Kesun, sesenta’y cuatro; Teteng Meran, treynta’y dos; Gurano Japar, cuarenta’ dos; Jamala Hussin, deci-ocho; Kolongan Nasilin, sincuenta’y dos; y si Raymond Abdul, veintre tres años el edad.
Base na investigacion cay el producto de petrolyo estaba na Malaysia y para transport ana ciudad de Zamboanga.
El lancha, dies hente y producto de ptrolyo ta esta bajo na custodiya del Police Maritime Group na Bongao, Tawi-Tawi. (B. Garcia, photo courtesy of Area Police Command- Western Mindanao)