Kinuna ni NTC-1 legal officer Ana Minelle Maningding iti media forum a ti saan a panagrehistro sakbay ti Abril 26 ket kaipapananna ti automatic deactivation dagiti SIM card-da. Ti NTC, iti pannakitinnulong dagiti public telecommunications entities (PTEs), ti mangidadaulo iti panagrehistro tapno matulongan ti Philippine National Police ken dadduma pay a pannakabagi ti linteg a manglapped iti umad-adu nga electronic communication-aided criminal activities ditoy Pilipinas kas iti mobile phishing, text spams, online scams, panagkusit iti banko ken panagtakaw iti pakabigbigan.
Ti deadline ket maitunos kadagiti probision ti Republic Act 11934 wenno ti SIM Registration Act, a mangibagbaga nga “amin nga agdama a SIMs subscribers ket irehistroda ti isu met laeng kadagiti bukodda a PTE iti uneg ti sangagasut walopulo (180) nga aldaw manipud iti epektibo daytoy nga Act.”
lnbatad ni Maningding “Awan ti age limit iti panagrehistro ngem para kadagiti menor de edad, mabalin nga agparehistro dagiti nagannakda kadagitoy” , Kasapulan laeng ti identification card nga inruar ti gobierno no agparehistro iti nasurok a maysa a SIM.
Kinununa na pay a ti immuna a pilot area da iti rehion ket idiay Pasuquin, Ilocos Norte a naka-catered ti sumagmamano a senior citizen.
Agarup dwa gasut ket innem a subscribers ti DITO, Smart ken Globe ti sibaballigi a nakarehistro iti SIM card-da iti umuna nga aldaw ti panagrehistroda iti Pasuquin Gymnasium Dinakamat met ni Charles Mamaclay, maysa isuna a customer development manager ti Smart Communications iti Ilocos Norte, a nangipatakderda kadagiti booth kadagiti lugar a pakabuklan ti bunggoy tapno matulongan dagiti subscribers-da.
Segun met kenni Pam Dalao, eksperto iti panagdur-as ti negosio iti Globe. “Siguraduenda nga umiso dagiti detalye ken apaman a malpas dagitoy iti proseso ti panagrehistro, ipakitada kadakuada a naikkat ti naited nga impormasion. Daytoy ket tapno masigurado ti kinatalged ken seguridadda iti impormasion,” Ti pilot rollout ti SIM registration iti kinse a nailasin a lokasion iti intero a pagilian ket nagtultuloy agingga iti Enero 27, 2023. (April Gonzales)
(Source: Provincial Government of Ilocos Norte)