Un personal del Guardia Costera del Filipinas o PCG el ya aresta mga autoridad na un operacion de atrapamiento aqui na ciudad de Zamboanga, asegun con el policia del Viernes.
Asegun con Police Lieutenant Colonel Jynleo Bautista, el oficial en-cargao del Criminal Investigation and Detection Group (CIDG) na region, con el arestao personal del PCG ya conoce como si Petty Officer 3 Ibrahim Banota, 33 años el edad y designao na provincia de Tawi-Tawi.
Asegun con Bautista, con Banota ya aresta na un operacion de atrapamiento mga alas 11:15 del Jueves aga adentro na un establisimiento de comida na Calle Zaragosa, Barangay Zone 4, ciudad de Zamboanga.
Asegun con Bautista, ya conduci sila el operacion de atrapamiento despues que tiene un aplicante ya reclama cay si Banota ta demanda pago en cambio para segurao alistamiento na PCG.
Si Bautista ya habla, ya recubri na posesion del Banota un sobre, 149 pedaso del P1,000 boodle money que ya pone insima un real P1,000 como markao dinero, un celpon, y mga tarjetas de identificacion y de Philhealth.
Con Banota ya pone bajo’l custodia del CIDG aqui na ciudad de Zamboanga en preparacion para el plantada del asunto contra conele. (B. Garcia)