Un 35 años persona el ya salva pero irido na un incidente de tiro del Huwebes madrogada aqui na ciudad de Zamboanga.
El Zamboanga City Police Office (ZCPO) Station 5 ya nombra con el victima como si Argie Celso Gregorio, un residente de Callejon, Barangay Guiwan, este ciudad.
Asegun con el pulisiya cay con Gregorio ya tira el un desconosido armao persona maga alas 12:40 del Huwebes aga na Gamboa Drive, Barangay Guiwan.
El victima ya sufri dos irida de tiro, el uno na si derecha ombro y el otro na derecha pierna, y ya lleva conele para na Zamboanga City Medical Center para el curada medical.
El suspechao ya escapa abordo na un motorsiclo sin numero del plaka para na direccion del “highway” na Barangay Guiwan.
Mga pulis ya recubri na lugar del crimen dos capsula de calibre .45 pistola y tres de .9-MM pistola.
El ZCPO Station 5 ta continua as el investigacion para determina si quien el suspechao del incidente. (B. Garcia)