Un persona quien ta enfrenta asunto criminal de cuatro cuentas abuso carnal el ya aresta el mga autoridad aqui na ciudad de Zamboanga, asegun con el policia local del Viernes.
Asegun con el policia local, con el arestao suspechao ya conose como si Jerico Cababao, 20 años el edad, y residente de Sitio Latuan, Barangay Curuan, en este ciudad.
Asegun con el policia, con Cababao ya aresta na un operacion de aplicacion de ley mga ala 1:12 del Jueves tarde na Sitio Daap, Barangay Sangali, en este ciudad.
El policia ya habla, si Cababao tiene pendiente orden de aresto por el crimen de cuatro cuentas abuso carnal sin recomendao piansa que ya dale el un corte local del Febrero 14, 2024.
Con Cababao ya pone bajo’l custodia del Zamboanga City Police Station 3 para el propio disposicion. (B. Garcia)