Un 40 años mujer “Olive Ridley” turtuga nombra como si ‘Olivia’, el bajo ahora na observacion na “Hatchery” y laboratorio del Zamboanga State College of Marine Sciences and Technology (ZSCMST) na Barangay Rio Hondo, en este ciudad, asegun con un oficial del Viernes.
Asegun con Dr. Mario Arriola, el veterinario del ciudad, con Olivia ya recubri mga residentes na canto’y aplaya del Barangay Sinubong del Domingo.
Asegun con Arriola, mga personajes del su oficina hunto con el de ila contrapartida desde’l oficina regional del Departamento de Medio Ambiente y Recursos Naturales o DENR el ta chequia con el condicion de Olivia que tiene el pesades de 21 kilos para asegura su completo recuperacion antes que ay larga conele na aplaya.
Asegun con Arriola, bueno el apetito de Olivia desde’l dia de Martes pero abnormal pa su flotabilidad. Hende pa tamen entero suyu susio y ya puede sila nota cay ta contene este materiales de poliesterino.
Asegun con Arriola, con Olivia ta dale come fresco tamban y agar-agar tres veses el dia y ya clava conele inyeccion con vitamina y antibiotico del Miercoles.
Si Arriola ya habla, na Abril 1 hay lleva con Olivia na clinica para man x-ray.
Base na estudio del DENR, el “Olive Ridley Sea Turtles” tiene promedio vida hasta 50 años y ta crici hasta 2.5 pies.
El Olive Ridley Sea Turtles ya obtene su nombre base na color del pellejo y carapacho. (B. Garcia)