Un fescador ya iri myentras su compañero nohay ni sinti duele na un incidente de tiro na la mar del Malangas na provincia del Zamboanga Sibugay.
Si Coronel Eduard Mallo, el director del pulisiya na provincia del Zamboanga Sibugay, ya nombra con el victima como si Nestor Felarca, cuarenta’y ocho años el edad, quien ya sustene irida de bala na iskierda pierna.
Admitido ahora na un hospital del Felarca y bajo el curada medical.
El compañero de Felarca, conosido como si Ronnie Bermoy, cuarenta’y tres años el edad, nohay sinti duele durante el incidente.
Asegun con Mallo, cay base na investigacion, ta fesca canda Felarca y Bermoy maga alas seis treynta’y seis del Miyerkoles aga na la mar del Barangay Kigay, Malangas, cuando ya tira canila el un desconosido persona muntao na otro vinta con makina.
Asegun con Mallo cay el pulisiya del Malangas ta continua investiga para determina si quien el suspechao responsible na incidente. (B. Garcia)
