Un en cargao de un resort el ya iri na un incidente de tiroteo aqui na ciudad de Zamboanga, asegun con el policia local del Viernes.
El policia local ya nombra con el victima como si Jovy Alberto, 36 años el edad, el en cargao del Hidden Valley Eco Park Resort.
El policia ya habla, el incidente ya ocuri mga alas 12:18 del Jueves tarde na Sitio Hapa, Barangay Salaan, en este ciudad.
Antes del incidente, si Alberto ta man tomahan pati el suspechao, si Jesus Liamada, 50 años el edad, un ayudante y un nativo de Zamboanga Sibugay.
Asegun con el policia, ya man discusion el dos despues que ya mia si Alberto en frente na casa de Liamada.
Amediante del ila discusion, si Liamada ya saka su pusil y ya tira con Alberto na isquierda mano, derecha pie y bariga.
Con Alberto ya lleva na hospital para el curada medical mientrs si Liamada ya escapa hunto con su hermano abordo na motorciclo para na direccion del Barangay Lumayang, en este ciudad.
El policia ta hace enbuscada con Liamada mientras si Alberto ta recupera na hospital. (B. Garcia)