Sa pagsaulog sa World Oceans Day 2025, ang SM Cares, kauban ang SM City CDO Uptown ug SM CDO Downtown, mapasigarbuhon nga nag-organisar og coastal clean-up drive sa coastal area sa Barangay Lapasan, Hunyo 7, 2025.
Ang mga boluntaryo gikan sa mga malls nakigtambayayong sa City Government of Cagayan de Oro, City Local Environment and Natural Resources Office (CLENRO), ug Jollibee Food Corporation aron moapil niining makahuluganon nga environmental initiative.
Ang tema karong tuiga, “WONDER: Sustaining What Sustains Us,” usa ka gamhanang pahinumdom sa mahinungdanong papel sa atong kadagatan sa pagsuporta sa kinabuhi—ug sa atong giambitan nga responsibilidad sa pagpanalipod niini.
Dungan sa nagkalain-laing dapit sa kabaybayonan sa tibuok nasud, ang inisyatiba naghiusa sa mga local government units, environmental organizations, NGOs, community groups, SM employees, security ug janitorial personnel, ug affiliate partners.