Alang sa kaluwasan sa tanang kawani sa City Government sa posibleng pagkuyanap sa corona virus disease o COVID-19 , si Mayor Darel Dexter T. Uy ang mipagawas ug usa ka Memorandum Order karung adlawa, Marso 24, 2020 nga naghatag ug kamanduan ngadto sa tanang empleyado sa City Government sa pagsunod sa ‘’ Work From Home Scheme” diin, paga-sugdan ang pagpatuman niini karung umaabot Marso 25, 2020 hangtud April 2020.
Subay sa gihimong pag-mando, gi-limitahan ang gidaghanon sa mga empleyado nga motrabaho sa ilang matag opisina diin, adunay mahitabong pag-bahin sa mga empleyado sa City Government ngadto sa duha (2) ka grupo alang pagsagop sa upat (4) ka adlaw nga trabaho. Gimanduan usab sa mayor nga gikinahanglan usab nga ang matag opisina adunay ibutang nga directory sa mga aktibong numero sa telepono, mobile number, messenger, viber o uban pang mga social media applications nga mamahimong madaling magamit sa publiko nga nanginahanglan sa mga gikinahanglang serbisyo.
Alang ngadto sa mga personahe nga buot motrabaho sa ilang balay subay pagsunod sa WFH scheme, ang gi-awhagan nga mopasa lamang ug ‘Work Accomplishment Report’ ngadto sa ilang Heads/ Units/ Division isip pagpamatuod nga mihimo gayud sila sa gihatag nga trabaho.
Tungod kay nailhan nga ‘ high risk’ ang mga senior citizens, immune-compromised person lakip na ang mga mabdos nga mga empleyado , ang hugtanong gi-awhagan nga mosunod gayud sa WFH scheme ug mo-submiter usab sa ilang Work Accomplishment Report.