Gikumpirma ni Gensan City Administrator Atty. Arnel Sapatos nga nag negatibo sa covid 19 test ang duha ka Person Under Investigation samtang gihulat pa ang resulta sa test sa lain pang usa ka PUI. Kini ang iyang gibutyag atubangan sa regular session sa konseho ning syudad karong adlawa. Samtang dul-an usa ka libu na ang person under monitoring kon PUM tungod sa mga travel history sa maong mga tawo.
Sa pagkakaron subay sa Executive Order no. 19 s 2020 gipailawom ang syudad sa Gensan sa extreme travel restrictions sa mga non essential travels ug paghugot sa pagbantay sa mga borders entry ug exit points. Samtang ugmang adlawa striktong ipatuman sa tanang barangay ang home quarantine pass id ug kon walay mapakita pwede na kining dakpon sa mga covid response team ug mga enforcers.
Giplano usab karon ang distribution plan house to house para sa mga foodpacks ug prioridad niini mao ang mga pobreng pamilya kon indigents isip tabang sa mga tawo nga walay income tungod dili makagawas sa ilang panimalay. Prioridad niini mao ang mga vulnerable sector susama sa tricycle ug jitney drivers. Manghatag matud pa ang mga barangay ug lgu city government. Adunay food assistance para sa mga anaa sa transport sector.
Sa pagkakaron adunay gipalit 5,000 ka sakung bugas sa NFA karon gi packing sa lagao gym. Samtang ang local price coordinating council ang nagpahigayon usab sa pagbantay sa mga presyo sa nag unang mga palaliton ug pag comply sa price freeze apil na ang presyo sa bugas kon commercial rice.
Giklaro usab ni Jasmine Pintag NFA Manager nga aduna pa silay 26,000 ka sakong bugas nga stock sa bodega. LGU lang matud pa ang pwedeng mopalit ug bugas sa nfa ug dili pwede ang mga barangay.