Mas gipalapdan pa karon sa General Santos City-Task Force Dalampasigan ang pagbantay sa coastal area sa siyudad, human makit-an ning weekend ang presensiya sa butanding o whale shark, ang usa sa pinakadakong klase sa isda sa tibuok kalibutan.
Matod pa ni GSCPO-Station 5 commander, P/Major Ananias Vasquez, unang naispatan ang maong klase sa isda niadtung Sabado ug subli kining nakitan sa mga residente ning Domingo sa buntag sa bahin sa Purok Lower Puting Bato sa Barangay Calumpang.
Subli namang gipahinumduman sa opisyal ang mga residente nga dili hilabtan ang maong isda gumikan sa usa kini sa “protected specie”.
Nakig-alayon na usab ang kapulisan sa City Environment and Natural Resources alang sa igong lakang kalabot sa pagprotekta sa maong matang sa hayop.
Image | GSCPO-Station 5