Nagpasalamat si Police Lt. Col. Christian L. Rafols II sa mga Surigaonon nga misunod sa mga kamanduan sa syudad subay sa tagpatuman na health protocols. Generally peaceful an syudad sa Surigao sa pagsugat sa Bag-ong Tuig ug wayay nabuthan sanan wayay stray bullet an nahirecord sa pagsugat sa Tuig 2021.
Nangayo isab nan dispensa an kapulisan sa 37 ka mga nadakpan sa curfew ug tagdaya sa grandstand. Igo lamang silang mipatuman sa mando sa City Government. Kasuhan isab an nadakpan nga nagpabuto na isa ka electrician na si Jolan Riños Arcana na taga Bonotan, Brgy. Washington sanan isa ka laborer nga si Jomar Perez Hurado na taga Purok 3, San Juan nga naggujod nan tinabas na atop samtang nagmotorsiklo ug milabay sa Surigao City Police Station.
Kuman adlawa ilang bisitahan pagbalik an mga bayay nga navideohan kagabii nga nagpasulbong nan fireworks bisan pa man jaoy executive order nga ginadili an pagpabuto sanan pagpasulbong nan fireworks sa pagsugat sa Bag-ong Tuig. Waya sila madakop kagabii tungod kay sa roof top o sa pribadong lugar kini ilang gihimo apan summonan sila sa PNP aron susihon kinsa an nagbaligya kanila sa mga pabuto. (RPN DXKS Surigao)
