Cebu City – Maisip nga dili pa tin-aw ang water subsidy program alang sa mga households sa Syudad sa Sugbo nga mo konsumo ug menus 30 cubic meters.
Nagduha duha ang konseho sa Syudad sa Sugbo pag grant sa ₱ 200 million tinuig nga financial assistance ngadto sa Metropolitan Cebu Water District (MCWD), in exchange sa libreng tubig sa panimalay nga nag konsumo ug 10 cubic meter o mas ubos, ug discounted sa bayranan sa mo konsumo ug 30 cubic meter o mas ubos pa.
Atol sa regular session, mi-atubang ang MCWD Board members sa konseho sa syudad pag tuki sa proposal alang sa financial assistance ngadto sa utility bugti sa water subsidy.
“We were thinking that with a little bit of financial assistance to MCWD, we will use the subsidy to exempt those consumers which are consuming 10 cubic meters and below,” matod ni Jose Daluz III, Chairman sa MCWD Board.
Pero, daghan sa mga konsehal wala ma kombinse sa maong “exchange” labi na si Konsehal Nestor Archival, kinsa mipadayag nga kinahanglang magbantay ang syudad sa mga gastuhan nga alang niya, ang “financial health” dili in good shape.
” I can say that the city government’s financial health is not good. If you are going to get P200 million, we should focus on those who do not have water at all. Dili kay ilibre tong naa nay tubig daan,” padayag ni Archival.
Gipasabot ni Daluz nga ang ₱ 200 million gamiton pag develop ug bag-ong water sources sa Barangay Tagbao nga maka provide ug 5 ngadto sa 500 million liter per day (MLD) ug sa Barangay Budlaan nga maka provide ug 15 ka MLD.
Matod pa nga ang water subsidy incentive lang sa syudad sa pag grant ug financial assistance.
Sa iyang bahin, dili sab kombinsido si Konsehal Joy Augustos Young sa maong exchange, kay alang niya, dili maka pataka ug hatag ug kwarta ang syudad ngadto sa MCWD nga way kasiguruan nga madayon ang maong mga proyekto.
“Di mahimo nga money down. Di pwede nga mohatag ta dayon because MCWD has a poor record on delivering promises. Unsa ta ka segurado nga madayon na nga projects?” duda ni Young.
Midason si Konsehal Alvin Dizon sa baruganan ni Young, kay matod pa, gikinahanglan mohatag ug project scope sa duha ka developments nga ilang giplano ug i presenta kini sa konseho.
Buot ni Dizon nga ang MCWD mo presenta sa kasamtangang estado sa proyekto, feasibility studies, ug ubang plano ngadto sa konseho, sa dili pa sila mo approve sa ₱ 200 million financial assistance.
Samtang, ang Alliance of Government Workers in the Water Sector (AGWWAS) mipadayag ug supporta sa MCWD alang sa pag develop ug dugang water sources ug sa pagtabang sa low-income families pinaagi sa subsidy.
Pero si Victor Chiong, AGWWAS Presidente Emeritus, nagkanayon nga nagkinahanglan sila ug katin-awan ug gi-unsa pag came up ang ₱ 200 million nga kantidad. Gitakda nga i-deliberate sa konseho kung ila bang i grant ang financial assistance sa MCWD o dili.
Bisan pa sa mga concerns, naglaum si Daluz nga ang city government maka kita sa panginahanglan sa pag develop sa maong water sources aron pagsulbad sa dugay nang problema sa supply sa tubig. (Jhon Tadlip)
(Source: Cebu City Council, photo courtesy by Jhon Tadlip Jr.)