Water level sa Angat Dam patuloy ang pagbaba

Tuluy-tuloy ang pagbaba ng water level sa Angat Dam sa kabila ng mga nararanasang pag-ulan nitong mga nakalipas na araw.

Ayon sa Hydrology Division ng PAGASA, alas-6 kaninang umaga ay pumalo sa 158.40meters ang antas ng tubig sa Angat Dam kumpara sa 158.77meters, kahapon.

Nabawasan din ang water level sa Ipo Dam na nasa 99.64meters na lamang ngayon, gayundin ang water level sa San Roque at Caliraya Dams.

Samantala, nadagdagan naman ng .78meters ang water level ng La Mesa Dam at tumaas din ang antas ng tubig sa Ambuklao, Binga, Pantabangan at Magat Dams.