Water level sa Angat dam bahagyang nabawasan — PAGASA

Bahagyang bumaba ang antas ng tubig ng ilang dams sa bansa.

Sa datos ng PAGASA Hydrology Division kaninang 6AM, bumaba sa 188.47 meters ang water level ng Angat dam mula sa 188.57 meters na water level nito kahapon.

Bumaba naman ng 0.07 meters ang water level ng Ipo Dam na ngayon ay nasa 100.72 meters.

Bumaba rin ang antas ng tubig ng mga dams sa Binga, Ambuklao, Magat at Caliraya.

Samantala, nadagdagan naman ng 0.02 meters ang water level ng La Mesa Dam.

Bahagya ring nadagdagan ang tubig sa San Roque at Pantabangan dams.