ARESTADO ang usa ka wanted person sa kasong paglapas sa PD 705 o ang mas (The Revised Forestry of the Philippines) atol sa gipatuman nga manhunt operation sa mga personahe sa kapulisan mga alas 6:50 ang takna sa kagabhion niadtong Hunyo 17, 2026, didto sa Sitio Lactusan, Brgy. Taguilon, Dapitan City.
Ang maong dinakpan nga wanted person naila nga si alyas “Luz” , 67 anyos nga babaye, minyo, walay trabaho ug residente sa nasangpit nga lugar kinsa gidakop tungod sa paglapas sa PD 705 ubos sa kasong kriminal no. 21157.
Ang pagkadakop gihimo pinaagi sa mga operatiba sa Dapitan City Police Station uban sa 1st ZN PMFC, ZNPIU, 901st MC RMFB9 ug Mabuhay SBC 5TH SOU MG pinaagi sa warrant of arrest nga gi-isyu ni Presiding Judge Hilarion Jonathan Garcia Maagad sa MTCC, 9th Judicial Region, Dapitan City, Zamboanga del Norte nga gipetsahan Hunyo 17, 2026 uban sa girekomendar nga piyansa nga Php24,000.00.
Ang dinakpan gipahibalo sa hinungdan sa iyang pagkadakop ug mga katungod sa konstitusyon sa usa ka diyalekto nga iyang nasabtan ug anaa na kini karon sa kustodiya sa Dapitan CPS alang sa hustong disposisyon.(MEDALYN U. BORJA)
Source: ZNPPO