GITAHO ni Provincial Inter-Agency Task Force (PIATF) Chief Dr. Jerie Calingasan nga anaa na sa Code Red status ang walo ka Misamis Oriental Provincial Hospitals (MOPH).
Tuig kapin na ang pakigbatok sa kagamhanan sa probinsya sa makapatay nga Covid-19 ug taliwala nga aduna gyud gakatala matag adlaw nga dugang kaso namaneho ug nabatokan kini og insakto sa kagamhanan, wala nabalda ang paghatag impormasyon ug ang makanunayong paghatod serbisyo ngadto sa katawhan.
Ning padayon ang pagsaka sa Covid-19 sa Rehiyon 10 labina sa kasikbit nga dakbyanan ug mga lalawigan apektado og lakip ang Misamis Oriental ug subay niini anaa na gihapon sa code red status ang MOPH .
Matud ni Chie Calingasan atol sa ika-70 nga senemanang pagpakayab sa nasudnong bandila sa Kapitolyo Probinsyal pinaagi sa virtual niadtong adlawng Lunes, Agosto 16, 2021 nga pasabot sa Code Red status nga wala nay kabutangan sa pasyente sa matag balay tambalanan. Kung asa daghan na sab ang nataptan sa mga frontliners.
“With regards to our 8 Misamis Oriental Provincial Hospitals; our hospitals are esteeming already with patients. Puno na gyod plus daghan na sad sa atong kauban sa health workers are already infected, and they’re being isolated and quarantined today.
Kumbaga nabutang na nga atong hospitals are in code red,” sulti ni Dr. Calingasan.
Gipasabot sab niini nga kung ang balay tambalanan ubos pa sa code blue nagpasabot kini nga adunay pay kabutangan sa mga pasyente samtang ang Code white nagpasabot nga libre pa kaayo ang balay tambalanan nga modawat og mga pasyente.
Gipaabot sab ni PIATF Chief sa iyang report ang uwahing datos sa nag-positibo sa CoVid-19 sa lalawigan kon diin sa sa uwahing ihap mikabat na sa 1,321 ang aktibong kaso sa tibuok lalawigan nga sa kinatibuk-ang moabot ngadto sa 8,765 ka mga kaso sukad sa pagsugod sa pandemya.
Taliwala nga nagpadayon ang pagsaka sa ihap sa kaso madasigon gihapon si Dr. Calingasan sa pagpahibalo, paghangyo sa tanang Misamisnon nga pabiling sundon ang mga gipatuman nga mga hustong gabayan.
“There’ still hope. Basta kay we follow restrictions. We implement what is supposed to be implemented for our health protocols,” puno sa kadasig nga mensahe ni IATF Chief Dr. Calingasan.
Hugot nga gipatuman sa lalawigan sa Misamis Oriental ang mga insaktong lakang aron hingpit mabatokan ang makamatay nga sakit hatod sa Corona Virus ug gani man, si Gobernador Bambi uban ang tibuok pwersa sa PIATF misaad nang daan nga dili moundang sa pagiya sa tanan uban ang hangyo sa katawhan nga mokooperar ug makigtambayayong kay kini nga mga lakang alang lamang sa kaayohan sa tanan.
(Source: MisOr PHO)