Zamboanga del Sur – Baha ug landslide nahitabo sa Brgy. Saloagan, Dimataling, Zamboanga del Sur pasado alas dose (12) sa kaudtohon, Mayo 13, 2021. Tungod kini sa walay hunong nga pag ulan sulod sa 4 ka oras dala sa LPA kanhi bagyong Crising.
Unom (6) ka balay ang gi-anod sa maong baha ug dili mo ubos sa pito ka sakayan ang nangaguba. Nadaot pod usab ang mga humayan, ug uban pang tanom sa mga residente. Daghan sa mga kabalayan ang lubog sa tubig tungod sa dakong baha. Nadaot pod usab ang ubang kalsada kay gi-agian sa tubig ug gi-landslide.
Maayo nga dali ra nipahawa ang mga residente sa ilaha panimalay bag-o pa kini maigo sa mga naanod nga bato ug kahoy. Walay namatay sa maong insidente.
Sa initial nga imbestigasyon sa Dimataling MDRRMO, ang kakulangan sa river wall/flood control sa maong suba ang usa nga rason maong nilapaw ug ni tipas ang tubig didto padulong sa kabalayan. Ikaduha ang lokasyon sa mga balay kay gitukod kini duol sa suba.
Kung kinsa to gusto mag hatag ug hinabang please contact MDRRMO hotline no. 0938-181-6017/0917-712-5989 or ihatod sa MDRRMO Office Operation Center sa Brgy. Kagawasan, Dimataling, Zamboanga del Sur.
(Source: MDRRMO Dimataling, photos courtesy by Bernie Ebarial | Keenpee Yrauda)