Cebu City – Mapupos na sa kataposan sa buwan sa Mayo ang kontrata sa the New Normal Oasis for Adaptation and a Home (NOAH) nga gihimong isolation center alang sa Covid-19 sa Syudad sa Sugbo.
Bisan pa man, alang ni Cebu City Mayor Edgar Labella nga dili problema ang maong sitwasyon.
Gi-angkon ni Labella nga gikaluy-an sa Ginoo nga nagkaubos na gayod ang kaso sa Dakbayan sa Sugbo.
Gani, tulo na lang sa mga Barangay Isolation Centers (BICs) ang aktibo sa pagka karon, ug dili pa gyud kini puno.
“In case gani nga mobalik simbako ang surge, pwede nato hangyuon ang NOAH nga mobukas pagbalik,” matod ni Mayor Labella.
Samtang, ang AboitizLand, kinsa willing sab sa pagtabang, dunay gi trabaho nga pasilidad luyo sa NOAH complex.
Gipahibaw sa mayor nga mamahimo sab kining magamit nga alternative birthing center o isolation center kon magkinahanglan.
Ang NOAH Complex kansang building gipanag-iya sa BIGFOOT, gihulagway nga “safe temporary haven” for Covid-19 category 1, positive but asymptomatic individuals. (Jhon Tadlip/JTY)
(Source: Cebu City Public Information Office, photo courtesy of NOAH Complex)
