Walang batas na nagbabawal sa pagpoprotesta, at pagpapahayag ng opinyon laban sa gobyerno.
Ito ang tiniyak ni Philippine National Police Spokesman Brig Gen Bernard Banac kaugnay ng mga ikinakasang kilos protesta sa SONA o State of the Nation Address ni Pang. Rodrigo Duterte sa Lunes.
Kaugnay pa rin ito ng pagiging epektibo ng kontrobersyal na Anti-Terrorism Act of 2020 noon lamang Sabado, Hulyo18.
Ayon kay Banac, hindi naman magkasingkahulugan ang terorismo at pagprotesta sa ilalim ng kontrobersyal na batas.
Bagamat epektibo na ang Anti-Terror Act ay hinihintay pa rin anya ng PNP ang IRR o implementing rules and regulations nito para sa implementasyon ng nasabing batas.
Sa ngayon, sinabi ni Banac na nasa 5,000 pulis ang ipakakalat sa Metro Manila sa Lunes kung saan tiniyak nitong paiiralin ang maximum tolerance sa mga
