CAGAYAN DE ORO CITY- Ang Police Regional Office (PRO) sa Northern Mindanao mitugot na sa katapusan sa panawagan sa pagwagtang na sa travel authority requirement kon mobiyahe sud sa Rehiyon 10. Matud pa ni Police Brigadier General Rolando Anduyan, ang PRO regional director nga base sa Interagency Task Force’s (IATF) resolution 46-A, entire Northern Mindanao gipailawom sa ubos sa modified general community quarantine (MGCQ).
Agig tubag sa maong resolution, ang police force dili na morequire sa travel authority kon mobyahe sud sa rehiyon basta kay ang ilang paglakaw importante diin kini ikonsidera isip Authorized Person Outside Residence o APOR ug dili kay lingaw-lingaw.
Gitin-aw ni Anduyan nga ang mga quarantine checkpoints sa provincial ug regional boundaries magpabilin nga mosusi sa minimum health standards ug moseguro nga tanang byahe gikinahanglan. Kadtong mamakak sa katuyuan sa ilang pagbiyahe ilang imonitor ug mag-atubang sa kaso, pahimangno sa police regional director.
Sa pikas bahin, si Anduyan nag-awhag sa publiko sa pagpaminaw kanunay sa mga advisories sa kapolisan alang sa tukmang inpormasyon kabahin sa existing police guidelines.