Cebu City- Gisuspenso una sa Commission on Elections kun Comelec ang pagpangrehistro sa mga botante tungod sa uwahing kalamboan labot sa Coronavirus Disease kun COVID-19.
Sa giluwatang abiso, ang Comelec miingon nga ang suspensiyon sa registration magsugod karong adlawa, Marso 10, hangtod sa Marso 31.
Naglakip kini sa tanang buhatan sa Comelec sa distrito, sa mga siyudad ug kalungsoran apil ang satellite registration activities.
Subay niini, ang publiko gitambagan nga mohimo sa tanang pamaagi aron paglimit sa ilang exposure sa posibleng pagtakod sa Covid 19.
Sa nasayran, mideklarar na ang buhatan sa presidente og State of Public Health Emergency human kompirmaha sa DOH ang local transmission sa balatian.
Pagka karon, ang nasod aduna nay 20 ka kompirmadong masakiton sa Covid 19.
