Padayon gihapon ang vaccination rollout sa General Santos City Health Office alang sa nahibiling sakop sa priority groups nga A1, A2 ug A3 sa siyudad.
Matod pa ni CHO-National Immunization Program Coordinator, April Mae Maquilang, anaa sa 2,750 Sinovac vials ang nadawatan sa siyudad gikan sa Department of Health, alang sa pagpadayon sa Resbakuna campaign.
Samtang, sa mga sakop sa A4 category o mga frontline personnel sa essential sectors, padayon pang gihulat sa CHO ang alokasyon sa bakuna.
Sa pagkakaron, nagpadayon usab ang “masterlisting” sa local government units aron masayran ang kinatibukang ihap sa mga buot mopabakuna gikan sa maong grupo.
“For A4, continue parin tayo sa masterlisting po natin, doon pa rin po tau for A4,” ag tipik sa pamahayag sa opisyal. (John Rey Somido)