30 C
Manila
Friday, March 29, 2024

Vaccine Czar Galvez Nakadayeg Sa Suporta Ni Mayor Moreno Sa Vax Rollout Program

- Advertisement -

Mapasalamaton ug gidayeg ni IATF chief ug vaccine czar Secretary Carlito Galvez Jr. si Mayor Oscar S. Moreno sa hugot nga suporta niini sa COVID-19 vaccination rollout program sa nasud aron mapaspasan ang pagkab-ot sa ‘herd immunity’.

Nunot kini sa hangyo nga gipadangat sa LGU-CDO kabahin sa ‘Accelerated COVID-19 Vaccination Plan’ diin nag-target ang syudad og 6,000 ngadto na sa 8,000 vaccinees per day nga ipahigayon sa kabarangayan ug mega vaccination sites.

Gipasalig sa syudad nga andam na ang CDO vaccination team alang sa maong plano.

Gani bag-ohay lang, gisusi ug gi-aprubahan sa Food and Drug Administration ug Department of Health Region 10 ang storage facility kung asa ibutang ang mga COVID-19 vaccines.

Gawas sa storage facility, magdugang usab og pondo ang syudad aron pag-hire sa mga doctors, nurses, information management ug support personnel nga maglangkob sa mas gipalapad nga vaccination sites.

Sa pagkakaron, gihulat nalang sa syudad ang pag-abot sa mga supply sa bakuna aron mahimoan na og plano sulod sa usa ka semana.

Hugot ang pagtuo sa syudad nga sa pagbuntog sa COVID-19, mahinungdanon ang kooperasyon sa matag usa sa pagtuman sa minimum health protocols ug pagsuporta sa vaccination rollout program.

(Source: Misamis Oriental Provincial Information Office Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -