Cebu City- Gimando ni Cebu City Mayor Edgardo Labella ang pag-umol sa usa ka komitiba nga motuon sa vaccination plan ug unsaon nga epektibong makab-ot ang gipangindahayng herd immunity batok sacoronavirus cisease.
Nahinabi sa media, si Labella miingon nga ang committee langkoban nila ni Dr. Jeffrey Ebones, city health officer; Dr. Bryan Lim; ug ubang eksperto.
Ubanan usab sila ni City Administrator Floro Casas, Jr.
Suma pa ni Labella, kabahin kini sa ilang pagpangandam sa pagpalit og bakuna samtang nagpaabot sa approval sa FDA o Food and Drug Administration sa Pfizer ug Moderna vaccine.
Hinuon, ang siyudad usa sa mga priority areas nga makadawat sa unang hugna sa mga bakuna nga mapalit sa nasodnong gobyerno.
Sa sayo pa, si Secretary Carlito Galvez, Jr., ang vaccine czar, miingon nga ang Cebu City uban sa Metro Manila ug Davao ang unang mga local government units nga hatagan sa bakuna.
Apan ang vaccination program sa kagamhanan unang motutok sa mga medical ug health workers nga maoy nag-atiman sa mga pasyente sa COVID-19.
Matod ni Labella, ang kagamhanang local igo na lang motapak kon kuwangon ang suplay sa national government.
via Jhon Tadlip/JTY
Source/Photo: Cebu City PIO