Gisuportahan ni Mayor Darel Dexter T. Uy ang “Roll-Out First Dose COVID-19 Vaccination Program” sa DepEd- Dipolog City Division nga didto gipahigayon sa Miputak East Central School Covered Court.
Sa mensahe sa batan-ong mayor atol sa pag-abri sa nasangpit nga kalihukan, gikalipay niini nga dinhi sa dakbayan sa Dipolog mi-ubos na ang ihap sa mga nabiktima sa COVID-19, niini, nagpasalamat siya sa Ginoo nga gihatagan ang dakbayan og “blessing” sa maayong panglawas. Gidasig usab niya kadtong mga nagduha-duha nga magpabakuna na og dili motuo sa mga “fakenews “ nga gipangpost sa social media. Dugang niya nga ang tanang FDA approved nga vaccine pulos kini maayo og makatabang sa lawas sa tawo. Sumala pa niya, importante ang pagpabakuna aron kita makabalik sa normal nga panginabuhi.
Samtang nagpasalamat usab si City Schools Division Superintendent Dr. Virgilio Batan, Jr. ngadto ni Mayor Uy sa suporta nga gihatag niini sa DepEd. Matod niya, kini maoy konkretong hulagway sa slogan nga “One DepEd, One Dipolog”, nga naghi-usa ang institusyon ug ang Local Government Unit dinha sa pagbatok sa COVID-19 virus.
Ang roll-out vaccination program nagsugod sa Agosto 11 hangtod sa Agosto 17 ning tuiga, kini gitagana alang lamang sa mga teaching ug non-teaching personnel sa DepEd-Dipolog.
Nasayran nga by-cluster ang pagpahigayon sa vaccination busa gi-awhag ang nahisgutan nga mga personahe nga basahon lang ang gipagawas nga Division Memorandum No.349, series of 2021 alang sa dugang impormasyon.
(Source: CITY INFORMATION OFFICE| DIPOLOG CITY GOVERNMENT Facebook page)
