Pipila ka mga residente sa Dipolog City human sa pagdagsa sa uyap sa Dipolog City Boulevard bag-ohay pa lamang.
Nasayran nga alas-9:00 sa Kagabhion Marso 10,2024 nagsugod ang kalit sa pagdagsa sa gagmay’ng uyap sa naasoy’ng lugar diin gikalingawan sa kadaghanan.
Si Mr.Jobert Villarubia, 30 anyos taga Brgy Dicayas ning dakbayan nga sa sayo sa buntag pa sila nangasarap ug uyap kauban sa iyang mga barkada aron makalibre sa panud-an ug dako ang iyang pasalamat nga dunay nidagsa nga mga gagmay’ng uyap. Matod niya nga iya pod kining i-apod-apod sa mga silingan aron malibre sa panud-an.
Dugang pa nga wala damha ni Villarubia nga dunay midagsa nga uyap gumikan niadtong miaging tuig wala ma’y midagsa nga uyap.
Kahibaloan nga duha na kahigayon nga dunay nidagsa nga uyap sa Dipolog Boulevard ug nanghinaot ang mga katawhan nga walay katalagman ang magsingabot sumala pa sa mga storya sa mga katawhan basta maingon ani ang mahitabo, simbako lang tungod kay ang Ginoo ray labaw nga nasayod sa tanan.
Sa katapusan dako na kining tabang nga malibre sa panud-an ang mga katawhan nga buot manguha aron makasud-an. (Angelica Obina)