Davao Del Norte – Sikop sa mga sakop sa Davao del Norte Intelligence Unit 11, 1st Davao del Norte Provincial Mobile Force Company ug Talaingod Municipal Police Station ang usa ka wanted person human sa gikasang manhunt operation sa lungsod sa Talaingod sa nilabayng adlaw.
Giila ang suspek nga si alyas niining Oyong, 46 anyos, ug  lumulopyo sa nahisgutang lungsod.
Nadakpan si Alyas Oyong pinasikad sa warrant of arrest nga gipagula sa 11th Judicial Region, Kapalong, Davao del Norte pinetsahan May 4, 2023, pinirmahan ni Presiding Judge Hon. Leah Garnett G. Soldi-Annugui, tungod sa kaso paglapas sa RA 10591 kon Grave Coercion.
Sa karon anaa sa Talaingod Police ang suspek alang sa pag kustodiya niini samtang atubangon sa suspek ang kasong gipasaka ngadto kaniya. (Camille Santos Naraga)
(Source: Talaingod PNP)