Usa ka notadong Street Level Individual nga (DI watch listed) ang malampusong nasikop sa gipahigayon nga buy-bust operation sa mga personahe sa ZN PDEU uban sa DIPOLOG CPS, ZNPDEA, RDEU 9,5th SOU PNPst PM1FMG, ZN 9th SOU PNPst-MG, ZN 900 PNP, mga alas 11:48 ang takna sa kagabhion, didto sa Baybay Galas, ning dakbayan sa Dipolog.
Ang nasikop nga suspek naila nga usa ka lalaki, 53 anyos, vendor ug residente sa Cotabato City kinsa nakuhaan ug mga ilegal ug dili ilegal nga mga butang sama sa Usa ka piraso nga medium size nga heat-sealed transparent plastic sachet nga adunay sulod nga puti nga crystalline granules nga gituohang “shabu” (buy bust item); Unom ka piraso nga medium size nga heat-sealed transparent plastic sachet nga adunay sulod nga white crystalline granules nga gituohang “shabu” (possession),Usa ka piraso nga one thousand peso bill isip buy-bust money; Usa ka pirasong papel nga pitaka, nagsilbing sudlanan sa butang nga tambal; Usa ka unit nga cellular phone (samsung brand) kolor itom; ug Lima ka piraso sa lain-laing mga identification card.
Gibana-bana ang drug Evidence nga mutimbang sa 2 gramos nga adunay standard nga presyo nga Php13,600.00 ug gi-turn over sa ZDN Provincial Forensic Unit para sa eksaminasyon samtang ang nadakpan nga suspek gitanggong ubos sa protective custody sa Dipolog CPS alang sa tukmang disposasyon. (Medalyn U. Borja)
(Source: ZNPPO)