Legazpi City – Plano ng Albay Provincial Agricultural Office (APAO) na maglunsad ng programang provincial water and hatchery para patatagin ang sektor ng pangingisda sa Albay.
Ayon kay Assistant Provincial Agriculturist Daryl John O. Buenconsejo, ang programa ay makatutulong sa bawat mangingisda sa lalawigan na palaguin ang kani-kanilang palaisdaan dahil magsisilbi itong suppport facility.
Kabilang sa mga maaari nitong palaguin ay ang mga water species na tulad ng hito, fingerlings at iba pang uri ng isda.
Kasalukuyan namang inihahanda ng opisina ang iba pang dokumento upang maipatupad na ito sa pamamagitan ng pakikipag-ugnayan sa Department of Agriculture (DA) V.
Samantala, isa lamang ang nasabing programa na iminungkahi ng opisina upang matulungan ang bawat mangingisda sa buong lalawigan.
(Source: Albay PIO)