Davao Occidental – Naluwas sa mga personahe sa Philippine Coast Guard Substation Malita ug sa mga rescuer gikan sa municipal disaster risk reduction and management office ang tulo ka mga mangingisda human kini natanggong sa kadagatan tungod sa kakusoh sa balud.
Sumala sa report, adunay nadawat nga impormasyon ang Coast Guard Malita gikan sa MDRRMO Sta. Maria nga adunay duha ka mga bangka nga hapit ng mulubog.
Dugang niini, nga Milubog ang duha ka mga bangka human kining gihapak sa kusog nga balod ug hangin.
Daling gipahigayon ang search and rescue operations diin ilang nakita ang mga mangingisda 10 nautical miles gikan sa Barangay Tubalan.
Sa karon. Anaa na sa maayong kahimtang ang tulo ka mga mangingisda. (Camille Santos Naraga) Â
(Source: Coast Guard District)