Davao del Norte – Nadiskubrihan ang usa ka drug den sa Tagum City atol sa drug buy-bust operation nga gipahigayon sa mga sakop sa Philippine Drug Enforcement Agency Regional Office sa Block 6, Lot 10, Esmeralda Homes, Purok 1, Barangay Canocotan, Tagum City.
Giila ni PDEA Regional Director Aileen Lovitos ang target sa drug bust nga si Caunda Abdallah 45-anyos ug mao say gapadagan sa drug den.
Sumala sa report, duha ka mga pakete sa gituohang shabu ang napalit sa poseur buyer nga nagkantidad ug P10,000.
Dakpan sab ang iyang mga kauban nga si Rea Mia Abdallah ug ang bisita niinni sa drug den nga si Samuel Briones ug na-rescue ang usa ka minor de edad.
Samtang, Nakumpiska sab ang 7 ka mga pakete sa gituohang shabu nga mutimbang og 9grams kantidad og P135,000 ug ang shabu paraphernalia. (Camille Santos Naraga)
(Source: PDEA XI)