Sumala ni Dr. Bryan Dalid ang Chief of Hospital sa Davao Regional Medical Center sa Tagum City nga wala nay ubo ug kalintura ang pasyente ug padayong nagalambo ang iyang kondisyon.
sa gihimong meeting kagahapong adlawa sa Inter-Agency Task Force on the Management of COVID- 19 sa Probensiya sa Davao del Norte, gibutyag ni Dr Dalid nga ugaling mag negatibo sa duha ka higayon ang swab test sa pasyente nga gihimo sa RITM sa kauluhan, mamahimo na kining i discharge sa ospital.
Gipaklaro pa ni Dr. Bryan Dalid nga padayon usab ang gihimong contact tracing sa mga taong gikahibagat sa pasyente lakip na ang iyang mga miyembro sa pamilya, higala ug bisan ang mga tao sa lugar nga giadtuan sa pasyente sa dihang miabot kini sa Davao ug mipauli sa lungsod sa Pantukan, Davao de Oro.