Unang kaso ng nCoV sa Finland kinumpirma

Kinumpirma ng Finland ang kauna-unahang kaso ng novel coronavirus (nCoV) sa kanilang bansa.

Ayon sa Finnish Institute for Health and Welfare, isang Chinese traveler mula sa Wuhan ang kasalukuyang naka-isolate sa central hospital ng Lapland.

Minomonitor naman ang 15 katao na umano’y nakasalamuha ng naturang Chinese national.

Magugunitang ang Finnair na national carrier ng Finland ang kauna-unahang European airline na magkansela ng byahe sa Mainland China.