- Advertisement -
Naglutaw sa dagat nga wala nay kinabuhi ang usa ka lalake nga nakit-an sa mga tawo pasado alas 7 kagahapon sa buntag , sa Barangay Abolan, Lungsod sa Tuburan Lalawigan sa Sugbo.
Ang biktima giila nga usa ka Mariol Gallardo Jr, 30 anyos,kinsa taga didto ra sab sa maong lugar.
Matud ni Patrolman Anthony Panilaga sa Tuburan Police Station nga ang biktima nag inusara nga niadto sa dagat ug naligo, ug gituuhan nga gi atake kini sa sakit nga patol nga maoy hinungdan sa iyang pagka lumos-patay.
Ang kapulisan sa Lungsod sa Tuburan walay nakitang foul play sa kamatayon niini.
- Advertisement -