Nakapagtala ang Macau ng unang kaso ng SARS-like coronavirus.
Ayon sa pinuno ng Health bureau sa Macau na si Lei Chin-Ion, nagpositibo sa coronavirus ang 72 anyos na negosyanteng babae mula sa Wuhan City, China matapos na makitaan ng sintomas ng pneumonia.
Aniya, dumating ang pasyente sa Macau lulan ng high-speed rail noong linggo, Enero 19.
Sa ngayon, tinututukan na rin ang dalawang kaibigan nito habang nananatili sa New Orient Landmark hotel.
Samantala, tiniyak rin nito na mahigpit silang makikipag-ugnayan sa mga tourism agency kaugnay sa mga turistang papasok at lalabas ng bansa na paghihinalaang may naturang sakit.