- Advertisement -
Pinabulaanan ni Department of the Interior and Local Government (DILG) Secretary Eduardo Año ang balitang isang one-star general ang posibleng mapili ni Pangulong Rodrigo Duterte para susunod na maging Philippine National Police (PNP) chief.
Ayon kay Año, nanatili pa ring nakatutok ang pangulo sa pangalan ng tatlong heneral na kanyang inirekomenda.
Kabilang dito sina Police Lt. General Archie Gamboa, Police Lt. General Camilo Cascolan at Police Major General Guillermo Eleazar.
Inamin naman ni Año na may dalawang heneral pang ikinokonsidera ang pangulo na wala namang problema dahil desisyon pa rin nito ang siyang masusunod sa huli.
- Advertisement -
