Nasakpan nang Setyembre 03, 2021 sa tropa sa kagamhanan an tuyo ka layaki nga naghatud nan supply na mga bala sanan iban pa ngadto sa Regional Sentro de Grabidad (RSDG) sa North Eastern Mindanao Regional Committee (NEMRC) sa NPA.
Ang nasakpan nakilay-an na sila Ferdinand Aque Dagium, 27, minyo, Barangay Kagawad ug iyang magulang na si Rolando Aque Dagium, 34, minyo, pulos lomolopyo sa Sitio San Roque, Purok 4, Barangay Magsaysay, Sibagat, Agusan del Sur sanan isa ka Marvin Pepito Merencillo, 26, may ka live-in ug nanimuyo sa Purok 1, Barangay Mount Ararat, Bayugan City.
Nasakmit sa kapulisan an mokabat sa 4,800 ka mga bala (7.62mm) sa AK 47, duha ka rifle grenade, 3 ka single motorcycles ug klase klase na supply sa pagkaon.
Sumala pa ni Police Brigadier General Romeo M. Caramat Jr. nga sila nadakpan sa tropa sa Regional Intelligence Division 13; Butuan City Police Station 4; Butuan City Mobile Force Company; Butuan City Intelligence Unit; Butuan City Explosive Ordnance Disposal and Canine Unit; 65th IB Philippine Army sanan sa 75th IB Philippine Army sa gilusad na checkpoint alas 8:10 kagabii Setyembre 3, 2021 sa Purok 1B, Barangay Pianing, Butuan City.
“The troops organized a checkpoint following reports on the alleged movement of the NPA in the area, resulting in their arrest,” sumala pa ni PNP Regional Director Caramat Jr.
Sumala pa na si Kagawad Dagium uban ang iyang igsoon ug si Merencillo misulay paglihay sa checkpoint pero waya nay ila pang kasibatan.
Sila gitakdang kasuhan sa violations sa RA 10591 o ang “Comprehensive Firearms and Ammunition Regulation Act” sanan RA 9516 or “Codifying the Laws on Illegal/Unlawful Possession, Manufacture, Dealing in, Acquisition or Disposition of Firearms, Ammunition or Explosives or Instruments Used in the Manufacture of Firearms, Ammunition or Explosives, and Imposing Stiffer Penalties for Certain Violations Thereof, and for Relevant Purposes”. (RPN DXKS Surigao via PMaj Dorothy M. Tumulak, Public Information Officer, PRO13 CARAGA)
