29.5 C
Manila
Friday, March 29, 2024

Tungod sa sunod-sunod nga patay sa Gensan, City PNP Director gipa-resign sa konsehal

- Advertisement -

Gipanawagan ni City Councilor Franklin Gacal Jr. Ang resignation ni City PNP Director Col . Aden Lagradante tungod sa kapakyasan niining masanta ang sunod sunod nga pagpamusil patay pinaagi sa mga riding in tandem dinhi sa syudad sa Gensan nga mitala na ug 24 ka shooting incident sukad Enero 2020 hangtud sa kasamtangan ug walay nasulbad nga kaso. Kini ang maisugon nga pamahayag ni Gacal atol sa privillege speech niini sa regular session karong adlawa sa Sangguniang Panlungsod. Apan gilayon kining gisupak ni City Councilor Atty. Edmar Yumang tungod dili tubag matud pa ang pag resign sa katungdanan sa opisyal sa kapulisan ang maong paghawa sa pwesto. Gidugang niini nga aktibo ug usa ka maayong lider sa kapulisan si Col. Lagradante nga adunay innovation sa pagpahigayon sa kahapsay ug kalinaw sa syudad susama sa oplan big eye kon pagsumbong sa kapulisan sa bisan unsang krimen aron gilayong ma aksyonan ug masulbad. Gikinahanglan matud pa ang pagsuporta sa katawhan. Samtang mitubag usab si Lagradante nga wala nagapabaya ang kapulisan sa kampanya batok kriminalidad. Hinuon giangkon niining adunay kakulangan apan modawat kini ug mga sugyot gikan sa katawhan ug mga opisyal sa syudad aron mas epektibo ang pagbantay. Sumala pa nga ang findings sa hitabong pagpamusil patay sa Gensan tungod sa illegal nga druga, love triangle ug land conflict. Sukad 2017, mikabat na sa 200 kapin ka tawo ang gipusil patay sa mga riding in tandem sa dakbayan nga walay klarong kasulbaran ang mga kaso. Bisan pa man sa maong panawagan ni Gacal walay plano si Col. Lagradante nga mokanaug sa iyang pwesto isip labaw sa kapulisan sa syudad ug gitamod nga dakong hagit ang pamahayag ni Kagawad Jeng Gacal

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -