CAGAYAN DE ORO CITY- Ang lokal nga kagamhanan sa syudad sa Cagayan de Oro nagtanyag sa reward nga salapi ngadto sa makatumbok sa killer sa traffic enforcer nga gipatay niadtong miaging semana sa barangay Puerto ning dakbayan.
Gipusil patay si Mark Langam, 26 anyos sa duha ka lalaking nakamotorsiklo samtang gipahigayon ang road clearing operation sa maong dapit. Nasayran nga mag-usa ka tuig na unta karong bulana ang maong traffic enforcer sa iyang pagpanerbisyo sa Roads and Traffic Administration.
Matud pa ni City Administrator Teddy Sabugaa nga gikondena sa syudad ang pagpatay kang Langam ug gani ang syudad ang motunol sa tunga sa milyon ka pesos nga ganti sa makatabang pagsikop sa suspetsado.
Sa pagkutlo ning maong report, aduna nay person of interest nga posibleng mga kalambigitan sa maong krimen. Hangtud karon, padayong nagsinggit sa hustisya ang banay sa namatay.
Sa pikas bahin nanawagan si Sabugaa sa suspek sa pagtahan na lamang sa otoridad.