Patay an isa ka tricycle driver nga nakilay-ang si Robert Jun Lipioso Fernandez , 22 years old, male, single , sakop sa Alpha Kappa Rho Fraternity nga taga P-5 Brgy. Canlanipa Proper Surigao City.
Kaganihang alas 12:40 sa labay na an tungang gabii sa Agosto 9, 2020 kini nakaabot ang report sa kapulisan.
Ang insidente nahitabo sa Purok 5 Brgy. Canlanipa Proper, Surigao City.
Sumala sa inahan sa biktima nga si Nanerfa L. Fernandez nga kagahapon Agosto 8, 2020 sa may alas 6:40 nan duyom gikan an idja anak sa anniversary celebration nan AKP Fraternity, nakainom ug matud pa niya na tag-paddle sija sanan an idja pulso na bahin tagtapionan nan init na metal isip ritual.
Kaganihang 12:30 sa kaadlawon sa Agosto 9, 2020, naglisod sa pagginhawa an idja bata hinungdan nga nanawag dajon sila ug tabang nga masakay sa ambulance. Apan pag-abot sa hospital patay na an biktima basi sa deklarasyon ni Dr. Rodrigo Amoncio.
Gustong mahibayoan sa inahan ang hinungdan sa kamatayon sa iyang anak hinungdan na gitakda kining ipa autopsy an idja patay na lawas.
Nanawagan usab an kapulisan kon kinsa an nakasaksi sa nahitabong hazing na motabang pagtestigo aron mahibaw-an kon kini ba ang posibleng hinungdan sa iyang kamatayon.
(Mark James Lisondra, Ronda 21 RPN DXKS)