Radio Philippines Network
DYKC Cebu News Provincial News

Tradisyonal Dyip Nakabalik Na Pagbiyahe Sa Pipila Ka Rota Sa Mandaue

Cebu City –  Mibalik na pagbiyahe sa kadalanan sa dakbayan sa Mandaue ang 20 ka tradisyonal PUJ o Public Utility Jeepney.

Si Krizzy Hyll Retuya, chief of staff ni Konsehal Jimmy Lumapas, chairman sa committee on transportation, pipila ka adlaw human sa pagmontar sa one-stop-shop sa Mandaue City Cultural & Sports Complex niadtong Disyembre10 ug  11, ang mga dyip nga nakapasar sa inspection mibiyahe na.

Matod ni Retuya, ang mga PUJ nga nakalusot sa inspeksyon sagad rota sa Liloan-Mandaue, Lapu-Lapu-Mandaue, ug  sa Mandaue lang.

Gitug-an ni Retuya nga ang ubang dyip nga nahagbong sa road worthiness test kay napakyas pagtuman sa academy requirement sa toll sa one-stop-shop inanay nang mi-comply sa tinguha nga makabalik pagbiyahe.

Suma pa ni Retuya, ang mga PUJ wala makig kompetensiya sa mga bus sa Ceres nga nagbiyahe sa mga rota ubos sa LPTRP o Local Public Transport Route Plan sanglit igo ra man kining misubay sa karaan nilang rota.

Midugang si Retuya nga ilang namatikdan nga mituman ang mga drayber sa dyip sa gilatid nga protocol ug guidelines. (Jhon Tadlip/JTY)

(Source & photo courtesy of Mandaue City Public Information Office)

Related posts

PROCOR Welcomes 157 New Peace Warriors

RPN

63 Ex Rebels, 124 Supporters Get Government Aid

RPN

Gov. Mulls Resumption Of 5-Day Workweek At Capitol

RPN