30.9 C
Manila
Friday, March 29, 2024

Tourist attraction sa Gensan, walay business permit

- Advertisement -

General Santos City—Sigun ni Geraldine Zamora- City Permits and Licensing Division Head, nga daghan sa mga Tourist Attraction sa syudad ang walay igong permit.

Kini gumikan sagad niini ang walay titulo o dili ba kaha adunay mga conflict of interest sa mga propedad rason nga dili mahatagan ug igong dokumento sa gobyerno aron mahatagan ug business permit.

Saysay niini nga nasayud na ang mga konsehal ug ang ehikutibo sa maong problema sa mga tourist attraction sa syudad hilabina ang mga anaa sa kabukiran busa awhag niya nga unta adunay himuon  nga ordinansa aron nga padayong maka-kolekta ug buhis ang LGU sa maong mga atraksyon gumikan dili kini patas sa uban nga mga negosyo nga matag tuig ga-renew sa ilahang mga business permit.

Dugang pamahayag ni Zamora nga sa karon, wala pa silay napasirado nga bisan usa nga tourist attraction sa Gensan gumikan ginapangitaan pa kini ug pamaagi sa lokal nga panggamhanan.

Pagpaklaro niya nga bisan ang mga negosyo sa milabay’ng tuig nga wala nagkuha o nag-renew ug business permit ang gitugutan gihapon nga mag-operate isip konsiderasyon gumikan sa covid 19 pandemic.

Apan gibutyag niini nga sa karon, dili na sila muhatag pa ug konsiderasyon sa mga wala nag-renew ug business permit pasabot nga higayon nga mahatagan ug notice to close, human ang 30 ka adlaw nga dili ma-asikaso ang mga business permit, ilaha na nga temporaryong pasira-an hangtud nga maka-renew sa ilahang mga Negosyo. (Fred Degala)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -