Usa ka Top 9 most wanted person sa RT Lim Zamboanga Sibugay kinsa nag-atubang sa kasong pagpanglugos amg naaresto sa mga otoridad karung bag-o pa lamang.
Si Mario Bulay-og Acorin, 53 anyos, minyo ug temporaryong nanimuyo sa Sitio Yabo Barangay Ilaya sakop sa syudad sa Dapitan ug usa ka permanente nga residente sa RT Lim Zamboanga Sibugay ang giaresto sa hiniusang pwersa sa mga membro sa Kapolisan sa Dapitan CPS, PIB ZS, Intel PNCO RT Lim MPS, ug Intel PNCO 2nd PMFC.
Si Acorin ang gisikop pinasikad sa warrant of arrest nga gi-isyu sa sala ni Presiding Judge Anthony D.T Isaw, CPA of RTC, 9th Judicial Region, Branch 24, Ipil Zamboanga Sibugay alang sa krimen nga Rape pinetsahan kaniadtong Nobyembre 29, 2018 ug nakadukit sa cc#I-6160 diin walay pyansa nga girekomendar alang sa iyang temporaryong kagawasan.
Si Acorin nga anaa sa maayong panglawas ang giturn-over na sa kustodiya ngadto ni PMaj Heidel Te-elan, OIC PIB ZS.