33.8 C
Manila
Friday, March 29, 2024

TESDA Secretary Lapeña Nibisita Sa Sarangani Province Dala Ang Programa Nga “IPeace”(I-Peace), Mapasiguro Ang Suplay Sa Pagkaon Ug Panginabuhian Hilabi Na Sa Mga IP Community

- Advertisement -

“In full force” ang mga ahensya sa nasyonal ug lokal nga gobyerno sa nahitabo niagi lang adlaw nga Martes nga launching sa tibuok Sarangani Province sa convergence program gitawag nga “IPEACE” (i-peace) kon Indigenous People as Empowered Agripreneurs towards a Collective End.

Ang “IPEACE” usa ka hiniusang programa sa mga national government agency ug sa mga LGU sa pagpanguna sa Technical Education and Skills Development Authority kon TESDA alayon sa padayong pagpatuman sa Executive Order No. 70 ni Pangulong Rodrigo Duterte nga maundang ang insurhensya sa Pilipinas.

Ning panahon karon sa krisis tungod sa epekto sa Coronavirus pandemic, gilauman nga magpasiguro sa suplay sa pagkaon ang “IPEACE” program, samtang muhatag usab kini og dungag income hilabi na sa mga kaigsoonang lumad pinaagi sa ihatag nga libreng technical ug vocational training ug ang suporta sa mga materyales nga pagagamiton.

Sa launching ceremony atong Martes sa Purok New Bohol, Barangay Alegria lungsod sa Alabel nga maoy palambuon isip food terminal, nitambong mismo ang labaw sa TESDA nga si Secretary Isidro Lapeña. Si TESDA Secretary Lapeña ang gituboy ni Presidente Duterte nga manguna sa CORDS o Cabinet Officer for Regional Development and Security sa Region 12.

Giubanan kini nila Governor Steve Chiongbian Solon ug Alabel Mayor Nonoy Salarda kuyog sila Deputy Director General for TESDA Operation Lina Sarmiento, TESDA 12 Regional Director Rafael Abrogar, TESDA Sarangani Provincial Director Remegias Timonio, NCIP Sarangani Mr. Bebot Lumancas, DILG Regional Director Josephine Leysa, PDEA Regional Director Naravy Duquiatan, 1002nd Brigade Commander Col. Potenciano Camba, 73rd IB Battalion Commander Lt. Col. Ronaldo Valdez, PNP Provincial Director Col. Michael Lebanan, DTI Assistant Regional Director Flora Gabunales, PIA Regional Director Cathy Apelacio, DILG Provincial Director Sam Camaganacan, PSWDO Officer Ms. Raquel Panal, mga municipal ug barangay official gipangunahan ni Alegria Kapitan Hilario Villamora, ug daghan pang personahe sa regional ug provincial offices sama sa Department of Agriculture, DAR ug Philippine Coconut Authority, ug mga IP leader and elders, sa pagsuporta kana nila Senador Manny ug Congressman Ruel Pacquiao, Vice Governor Elmer De Peralta, tanang board member ug mga mayores.

Sa tibuok Sarangani, trese (13) kabuok barangay ang masulod sa IPEACE program. Tudluan sila sa tukmang pag-ugmad sa ilang panguma, panagaan og mga semilya, ug ayudahan sa DTI ug uban pang ahensya sa gobyerno ang ilang bagsakan area nga makakita og maayong mga buyer nga dili sila malugi sa ilang mga na-ani.

Segun ni TESDA Secretary Lapeña, sa entiro Rehiyon Dose, una nilang gilusad ang programa nga IPEACE sa Sarangani Province. Personal pa kining nisaka sa Sitio Pait, Alegria kauban sila Mayor Salarda aron makita ang hapit na ma-harvest nga mga pananum.

Makanunayon ang pagduaw ni Lapeña sa Sarangani Province. Sa pag-abri niaging tuig sa Provincial TESDA Training Center sa Malapatan, anaa usab kini nakigduyog nila Mayor Jun Sumbo. Kasamtangan ng ginahuman ang Regional TESDA Training Center sa Barangay Spring sa Alabel.

Sa bahin ni Governor Solon, nagtuo kini nga tungod sa new normal nga pagkinabuhi gumikan sa COVID-19, daghan na ang mamalik sa pagpananum masiguro lang nga adunay makuhaan og pagkaon panahon sa mga emerhensya. Gikinahanglan ng mubalik ang kalihukan sa ekonomiya basta mutuman lang sa mga safety protocol aron dili magka-local transmission.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -