DAVAO DEL NORTE – Nagpadayon karon ang operasyon sa Tagum City Management Unit kon TMU sa pagpanakop og mga Bora-Borang tambutso sa motor.
Kahinumduman nga gimugna ni Tagum City Mayor Rey Uy ang Task Force Bora-Bora ubos sa pagdumala ni TMU Head Francisco Sevilles Jr. aron nga dakpon ang mga bora-bora nga tambutso lakip na ang mga nagpahigayon og ilegal nga lumba sa motor kon Drag Race.
Base sa report, mokabat na sa usa ka libo nga mga Bora-Bora nga tambutso ang nakumpiska sa TMU.
Sumala ni TMU Head Francisco Sevilles Jr. hangtod sa aduna pay nagagamit og bora-bora dili muondang ang ilahang hanay sa pagpanakop niini.(Camille Santos Naraga)(Source: TMU)