DAVAO DEL NORTE – Mokabat na sa 17 ka mga insidente sa sunog ang natala sa syudad sa Tagum City base sa datos nga gipagawas sa BFP Tagum.
Sumala ni BFP Tagum Chief PIS SFO1 Ryan Rasay, duha ka mga insidente sa sunog ang natala karon bulana sa Hunyo diin nahitabo sulod sa sagunson nga mga adlaw niadtong Domingo ug Lunes.
Samtang niadtong Lunes nasunog usab ang unom ka gambalay sa sentrong bahin sa Tagum diin kapin 250,000 pesos ang natala nga damyos.
Kahinumdoman nga nasunog ang opisina sa usa ka gasoline station sa syudad niadtong Domingo diin electrical ignition due to loose connection ang hinungdan sa maong sunog.
Sa karon, padayon nga nanawagan ang BFP sa publiko nga padayong mag-igmat aron nga malikay sa sunog.(Camille Santos Naraga)(Source: Davao del Norte PNP)
